蔡卓妍（阿Sa）昨日在金鐘出席「母親節HPV疫苗注射計劃啟動典禮」，她表示身邊朋友大多數已注射疫苗，當然包括鍾欣桐，席間阿Sa表示一見到小朋友就很想生仔，以前經常打算婚後最少生六個，不過近年已打消這念頭，她說：「最多生兩個好喇，我怕照顧唔到咁多個，因為我唔想假手於人，想自己湊。」
買禮物贈母
問阿Sa會否專心湊仔而放棄工作？她說：「咁又唔會，不過到時唔知係咪做呢行，可能轉行做生意。」後日母親節，阿Sa晚上會與母親慶祝，她說：「仲會同婆婆、姨媽、舅母一齊食飯，所以要預備好多份禮物，因為好耐冇同親戚食飯。」
採訪：胡比 攝影：陳順禎