陳豪為了拍攝新劇《宮心計》而增肥20磅，劇集即將拍完，他也準備好收身大計，並希望以吃得健康來減肥。經過今次增肥後，陳豪終於明白肥人的苦處，還常被同事取笑屁股加了pad。
陳豪目前忙於拍攝無綫劇集《宮心計》，在劇中飾演皇帝的他為了角色而增重20磅，由於劇集快拍竣，故他也開始收身，日前更專程到九龍城學煮營養餐。
雖然陳豪經常為劇集增肥又減磅，但他每次均以最健康方法去達成目標，他說：「因為我好易肥同好易瘦，所以盡量食得健康，再配合埋運動，咁唔會太難收身。」
常坐立不安
陳豪向來廚藝了得，他謂近年也越食越健康：「我家比較注重纖維同營養，以前乜都食，但當你病過，就會發覺真係要注意，其實簡單同唔需要太貴嘅食物，反而令人更長壽。」當日他更學煮燕麥百花蒸豆腐、燕麥胡蘿蔔木耳牛肉粥及燕麥士多啤梨乳酪。
陳豪增重20磅，終明白肥胖的苦處，他說：「肥咗後先知有好多壞處，會坐立不安，成個人都唔想郁，淨係想瞓覺。我最肥係個屁股，肥咗成倍，拍劇時好多人問我屁股係咪加咗pad。」
採訪：王崇穎 攝影：陳慧安
鳴謝：BonneChereKitchen
