股市資金氾濫，雖云唔少上市公司趁機「抽水」集資，但市場實在太多錢，未對股市構成衝擊，反而在熱錢逢股就搶之下，淡友有難。
港股昨日再升超過400點，重返16800以上水平。星俠前陣子已強調大市升浪未完，今次股市升浪可謂覆蓋全球，並非只係港股獨升，各地股市一樣係咁升，根本係大趨勢，但又有幾多人跟到？相信只有散戶自己知自己事。
近期大市每日成交增至700億元過外，昨日更增加至804億元。除非外圍整體氣氛突然逆轉，否則港股成交短期不會忽然急降，只要後市成交企穩目前水平，港交所（388）走勢仍會反覆偏強。
85至90元買入
港交所昨收106元，升5.6%。該股將於下周三公佈09年首季業績，由於年初股市環境一般，港交所呢份成績表自難憧憬，家陣當然唔鼓勵高追，但成績表曝光後，股價到時若有調整，係一次低吸機會，入貨位在85元至90元之間，年底目標150元。
方星俠