一場金融海嘯，將全球金融業重新洗牌。一啲冒險進取嘅銀行，去年喺全球銀行盈利排行榜上急速下沉，但一啲穩健保守嘅銀行就冒起頭來，08年排行榜首兩位最賺錢嘅銀行（唔計有國家背景嘅中資國有銀行），不約而同皆屬西班牙嘅銀行，唔知係咪西班牙人嘅民族特性，係比較保守穩健。
BBVA急升至第2位
據排行第二位嘅西班牙對外銀行（BBVA）亞洲區總經理賈立得（ManuelGalatas）介紹，07年該行嘅盈利達61.26億歐元，全球銀行排第11位，08年就急升至第二位，賺咗50.2億歐元。
至於第一位嘅西班牙Santander銀行，08年賺88.75億歐元，07年就賺90.6億歐元，排第6位。
由於集團財務穩健，BBVA執行董事曹虹話，BBVA持有中信銀行（998）約10個巴仙嘅權益，無計劃出售；至於會唔會行使權利，再增持多5個巴仙，佢就話不便作出評論。