憑劇集《學警狙擊》中人氣勁升的Laughing哥謝天華，將演出電影版，劇中演員苗僑偉、吳卓羲、陳山聰、郭政鴻昨日現身九龍灣MegaBox力撐「Laughing哥電影版角色大募集」，主角謝天華甫上台即被一班Laughing兵團簇擁着，幾位女團員見到他即衝前跟偶像拍照。
「係咪發緊夢」
謝天華難掩亢奮心情說：「我好興奮，呢個月嚟我都好開心，每日瞓醒問自己係咪發緊夢，好彩瞓醒係事實，我當自己係Laughing，好好珍惜呢個機會。」
談到Laughing哥電影版，謝天華表示同劇演員好難會出現，他說：「因為佢哋喺前傳出現會有啲怪，所以出現機會唔大。」除了Laughing嫂之外，其他電影版角色人選已落實，謝天華說：「黃秋生、吳鎮宇、黃日華都落實，女角方面，我知道已經完成第一次遴選，有幾個人選。」
正在拍攝《老公萬歲》的苗僑偉趕到現場撐天華，並以孝哥look現身，他對天華說：「你就死得抵，你唔死都冇人追《學警》。」
採訪：楊潔雯
攝影：黃偉雄