謝婷婷昨日戴上超過1,000萬元鑽飾，在銅鑼灣亮相Madia皇室美鑽展。對於哥哥謝霆鋒和父親謝賢合作，她表示也渴望和父親合作，她說：「我都想，一齊做嘢幾好，但係佢會戴住黑超。我都有問過爹哋點解成日戴住眼鏡，有次遊埠，坐9個鐘頭飛機，佢全程都戴住，有朋友話我聽爹哋喺salon剪頭髮，都會戴住！不過佢戴住眼鏡係有型啲。」
提到契媽汪明荃結婚，婷婷開心說：「我有搵佢，大家都好開心，好興奮，但我哋事前都唔知，媽咪都係記者話佢聽，佢知道之後即刻跑嚟話畀我聽，我都係第一次見媽咪跑咋！」
叫羅家英契爺
婷婷謂已傳手機短訊恭喜契媽，汪明荃已致電她確認婚訊，婷婷說：「不嬲我都想叫羅家英叔叔做契爺，但唔知好唔好，家可以喇，佢哋好襯、好夾。」
採訪、攝影：羅慧敏