考評局今年又玩驚喜，公開試首次出現六四事件。前日考中史，第12條題目寫住：「政府實行『價格闖關』，其後引發『搶購風潮』，導致嚴重的『官倒』現象，最後出現『六四事件』。」不過試題並非要求學生探求六四真相，只係問上述情況喺幾時出現，同埋當時中共總書記係邊個。答案分別係87至89年同趙紫陽。
六四事件一向係公開試禁區，關注六四團體「P-at-Riot六四文化祭」早前發表《中國歷史補充試題》，竟然貼中趙紫陽；設計呢條題目嘅葉浩麟認為會考出現六四事件係中學生了解史實好開始。教評會副主席何漢權指，由於試卷要保密，連教育局都唔可以事先睇，所以出卷員先有得偷雞。