全城嚴防豬流感在港大爆發，模特兒諸葛梓岐為男友搜獲8小時抗菌口罩作搭飛機之用，更仿效英國人以膊頭揩膊頭代替錫嘴，減低風險。相反混血名模CaraG.無有怕，剛從外地回港的她與男友錫個夠。
豬流感警戒未除，人人各出奇謀防疫。諸葛梓岐（Marie）、混血名模CaraG.和黃家強夫婦等，昨日在中環出席美國品牌時裝騷，分享近期防疫心得。CaraG.早前被拍到和男友Jesper看婚紗，被指將會結婚，她表示無此打算，她說：「我只是代我媽咪和家姐看婚紗，我說過她們二人10月結婚，現在家姐改期到明年3月，我在香港幫她們揀婚紗。」
CaraG.和男友經常公開親熱，問到可會減少親嘴？她即笑住說：「會的，但我昨日才由新加坡回港，大家不見了三星期，一回來就錫個夠，之後才算啦。」但她深信香港人經歷過沙士，已有處理疫症的經驗。
諸葛媽唔敢來港
諸葛梓岐則透露買了特製抗菌口罩：「有朋友買咗話有8小時唔會入菌嘅mask，我分到4個，如果男朋友要坐飛機，我都會叫佢戴住。」問諸葛梓岐可會減少kiss以防傳染？她說：「英國家轉為用膊頭揩膊頭代替kiss，我哋家都會咁做。」諸葛梓岐謂母親本來會來港慶祝母親節，但最終取消行程，她說：「因為撞正豬流感，媽咪喺北京都唔敢坐飛機，我寄咗個幾千蚊嘅水晶花畀佢做禮物。」但她謂月中會如常赴日拍寫真。
家強獲外父送藥
同樣由內地回港的黃家強，則獲醫生外父送藥。他說：「我喺機場都有戴口罩，我覺得呢樣係一個責任，因為唔知邊個係帶菌者。外父係醫生，佢啱啱嚟香港，帶咗啲藥同藥水畀我，佢話其實漱口好重要，佢畀咗啲藥我加入啲水度，可以殺菌。」
採訪：LawWaiMan
攝影：WongWaiHung
