上周六因癌性淋巴管炎逝世嘅日本歌手忌野清志郎，前日喺東京下目黑羅漢會館出殯，曾經同忌野合作電影嘅竹中直人同大竹忍，都喺場內哭成淚人，忌野生前愛用嘅撥弦樂器Ukulele、結他pick同結他電話繩等擺咗入棺陪葬。動棺嘅時候，佢嘅band友仲井戶麗市對住忌野遺體，高舉佢生前用嘅木結他，場面感人。本周六喺東京仲有忌野嘅告別會。