黑膠不死！日本嗰邊差唔多個個月都有新製品！Vestax新出咗隻handytraxUSB，當然唔係黑膠盤咁簡單；黑膠雖然已講得上是兩個多世代前嘅產物，但喺handytraxUSB身上竟然發現有USB插口！因為佢係用嚟專駁電腦，將Classic嘅類比音樂，轉為「永生不滅」嘅WAV/AIFF數碼音樂檔案；而且音色幾唔錯吓，能做到24bit/48kHz錄音取樣，真係有幾分「老歌金碟」格局！
電源方面亦相當鬼馬，你當然可以用插蘇玩直流電啦；如果想攞出街玩，佢都有乾電池設計，但係超大咬！9V電池6粒（使用65小時），連埋機身重量足有2kg；一機在手，你咪話想做原音達人，就算要做埋「筋肉人」都仲得呀！
記者：朱崇德