人稱「孖池」嘅日本男歌手近藤真彥，繼98年嘅《Don'tWorry!》之後，已有11年冇主演過日本連續劇。不過，孖池終於出山，接拍今年7月喺日本富士電視台首播嘅新劇。雖然套劇暫未定名，故事內容又未定，但電視台搵孖池演出，都係為咗吸引30至40歲嘅女觀眾。暫時只知尊尼仔師弟中山優馬有份演出，孖池話自己一定唔會輸畀師弟喎。