【深圳直擊】謝霆鋒昨日在深圳的明克思航母世界宣傳國語碟，新碟中有與父親謝賢（四哥）合作的MV。霆鋒穿上機師制服乘坐直升機降落航空母艦甲板，會合穿上海軍司令裝的四哥，父子檔造勢。霆鋒指自己等了28年終等到與父親合作，四哥即說：「合作過一生無憾，咁多人支持，我都走得安樂。」
對於有指張栢芝跟爾冬陞會面，有意降價接戲，霆鋒說：「我冇聽過，栢芝家好享受湊仔生活，工作佢可以自由接戲。」栢芝自豪可以使老公錢，霆鋒說：「呢個係男人基本養家工作，我唔覺係負擔。」
王菲掃貨走後門
國家廣播電影電視總局（廣電總局）下禁令指不准有醜聞藝人亮相，頂包案罪成的霆鋒回應：「我唔逃避任何嘢，每個人都有過去，每件事有真假好壞，只有自己知最重要係睇到今日做乜，聽日做乜，唔係講番噚日。」此外，霆鋒舊愛王菲昨日在中環瘋狂購物，為避守候傳媒，她寧選後門走人。
採訪、攝影：曾小嘉