一年一度阿媽大晒！作為子女，於母親節，身家如何縮水，都應盡點孝心，慰勞一下屋企媽咪。今日送上母親「折」食攻略。
記者：王震遠
攝影：梁細權、王文忠
Model：Pentene、Cecilia@PureModels
西餐
八五折！任食燕窩法菜
女人一聽見有燕窩食必定兩眼發光，皆因燕窩養顏美膚，又滋補潤肺。如果可以任食，包保母親大人讚你夠孝心。會景餐廳早前推出以法國美食為主題的自助晚餐，反應熱烈，繼續供應。母親節（5月9-10日），更特別增設燕窩特色菜，包括炸燕窩豆腐、燕窩梳乎厘、燕窩釀竹笙、燉燕窩奶、燕窩蛋白撻、燕窩凍批及燕窩芙蓉蟹粥等共7款，成人每位$398、小童$208。凡惠顧3-5位即有九折，6位或以上更有八五折。任食養顏燕窩菜當然係主要目標，焗蝸牛及煎鵝肝配薯仔班戟等精緻法菜也是回本必食。
燕窩4吃
燕窩釀竹笙
竹笙發水後釀入燕窩，用高湯和杞子煮芡。竹笙爽脆，吸收了湯的精華，味道香濃。
煎鵝肝配薯仔班戟
鵝肝表面煎得香口，鎖住油份，入口甘香。伴上黑松露汁，矜貴。
焗法國蝸牛
田螺用乾葱和白酒炒過，放於薯茸上再加忌廉焗香，田螺帶薄薄酒香。
會景餐廳（25827250）
灣仔港灣道1號香港會議展覽廣場6樓
中菜
《蘋果》讀者八折！平嘆雞鮑翅
花膠、魚翅、鮑魚、雪蛤、星斑，想一次過請阿媽享用這些名貴食材，家每位$248就食到。樂雅軒由前富豪酒店廚師劉師傅坐鎮，五月最新推出「魚翅、鮑魚、星斑推廣宴」優惠套餐，花枝腐皮脆鴨卷、鯊魚骨湯花膠燉翅、原隻蠔皇鮑魚、清蒸星斑球、蟹肉鮮菇扒翡翠、帶子蝦仁瑤柱炒飯等總共6道菜，仲有糖水雪蛤紅蓮及鮮果碟。母親節正日惠顧，每4-6人即送脆皮雞半隻，7位或以上送一隻，《蘋果》讀者更可享八折至八五折優惠。
原隻蠔皇鮑魚（六頭）
上湯足料，用上金華火腿、排骨和老雞等材料熬6個鐘。鮑魚肉質腍味濃。
鯊魚骨湯花膠燉翅
以鯊魚骨和老雞熬成湯底，加入花膠和魚翅同燉。湯底鮮甜，魚翅彈牙。
清蒸星斑球
星斑肉質細嫩，以豉油清蒸帶出其鮮味。
一品脆皮雞
雞以鹽和沙薑粉醃一晚，再風乾4個鐘。雞肉味濃、皮香口。
樂雅軒（27833286）
窩打老道23號城景國際1樓
《蘋果》讀者翅鮑斑宴八折
《蘋果》讀者即日至5月31日（5月10日除外），惠顧樂雅軒「魚翅、鮑魚、星斑推廣宴」（原價每位$248，兩位起），可享八折優惠；5月10日母親節當日惠顧此推廣宴，則可享八五折優惠。
．此優惠只限堂食。須預先訂座。
．不可與其他優惠同時使用。
．優惠如有更改，恕不另行通知。
．另加一服務費，以原價計算。
．如有任何爭議，城景國際保留最終決定權。 《蘋果日報》概不負責。
‧必須憑報紙上的印花才可享有優惠。
日菜
阿媽免費！嘆A3和牛
新潮阿媽，鮑參翅肚都話吃到膩，日本菜至啱口味，還要係新派高檔日本菜。由日本名廚松久信幸創辦的NOBU，母親節當日沒有乘機加價，還首度推出優惠套餐，每位$888，唔平，但4人同行，當中的母親即可免費（或可揀價值$1,190的水療現金券），除開每人$666，都唔算平，但係NOBU向來不賣平，睇吓菜單就知吸引，頭盤金槍魚及海老刺身、帝皇蟹伴烏冬沙律，熱盤鱈魚西京燒和烤A3和牛牛柳，還有精緻壽司和芝麻慕絲配椰汁雪葩作結尾。食過，可能連精打細算的媽咪都話：值喎！
烤牛柳配照燒汁
用的是佐賀A3和牛，以蘋果木來燒。牛肉腍身，咬下肉汁溢出。
帝皇蟹伴稻庭烏冬沙律配紫蘇洋葱汁
大塊厚切日本帝皇蟹，蟹肉和稻庭烏冬同樣爽口。
霜降燒金槍魚腩刺身配山葵汁及魚子醬
金槍魚腩刺身油花豐富，滿口甘香，微辣的芥末汁和魚子醬增加了刺身鮮味。
NOBU（27211211）
尖沙嘴梳士巴利道18號香港洲際酒店2樓
阿媽有得食有得拎
貪靚媽咪 Azure送千元美容療程
阿媽都係女人，都愛扮靚。Azure有4道菜（$420）或6道菜（$570）兩款母親節晚餐。凡5月10日惠顧其中一款，即送GlowConcept美容或按摩療程（價值$1,180）及YogaYoga一個月通行證（$1,000），免費參加4堂瑜伽，最啱潮媽。
Azure（35189330）
中環雲咸街33號蘭桂坊酒店29-30樓
傳統媽咪
喜双逢送$750護理禮券
傳統母親總覺得吃中菜才最有氣氛，喜双逢最啱。其溫馨4人餐（每位$498），有紅燒蟹肉大生翅、兩頭鮑魚、清蒸海星斑等，還有燕窩杏仁茶。正日惠顧，每位母親都有總值$750的禮品一份：ElemisSpa護理禮券及其他品牌的護膚和護理禮券。
喜双逢（28105366）
中環皇后大道中33號萬邦行2樓211舖
星級媽咪
Hone送$350法國唇膏
星級餐廳Hone坐擁優美海景，母親節有5道菜晚宴（每位$688），由頭盤燒鮮帶子配Mortadella火腿、白蘆笋湯配黑松露薄片，到主菜木石燒大西洋鱈魚配松露汁或炭燒美國特級牛扒配魚子醬，道道矜貴。正日凡4位以上惠顧母親節晚宴，即送一支價值$350的法國嬌蘭RogueG寶石唇膏。
Hone（28050638）
中環IFC商場2期4樓4008舖
花心媽咪
MrSteak送每人一盅佛跳牆
總拿不定主意的媽媽，吃自助餐包啱。BuffetalaMinute特點係即叫即做，其澳洲M9和牛，廚師會應要求煮出不同生熟度。還有香煎鵝肝配多士、即開生蠔、蘇格蘭膏蟹等。母親節當天食buffet，還每人送佛跳牆一盅（價值$108）。
富貴佛跳牆自助晚餐每位收費：
$298（5:15-7:15pm）、$348（7:45-10:30pm）
Mr.SteakBuffetaLaMinute（28815757）
銅鑼灣百德新街2-20號恆隆中心3樓T03舖
