港股上禮拜二最低見過14457，噚日報收16430，幾日之間升咗成2000點，噚日升幅收窄咗，成交亦縮減，睇怕都要唞唞先。
噚日有幅上水地皮拍賣，成交價超出底價一倍，不過幅地皮細，指標作用唔大，地產股多數先高後低，冇受賣地成績刺激。
馬鋼C輪13053：馬鋼（323）昨收3.80元，升4.1%，股價喺上個月中試攻250日線，拉鋸咗幾日之後都係要跌返落去試50日線，前兩日發威炒上，技術走勢幾靚，若上破4.35元睇4.80元，可以諗吓隻C輪13053，現價10.2仙，2010年6月24日到期，行使價4.49元，溢價45%，有效槓桿2.2倍，引伸波幅86.3%。
正股升上4.80元，13053睇16.6仙，有六成升幅，正股跌穿3.45元，就沽咗隻輪止蝕。
俊樺