汪明荃和羅家英昨日宣佈婚訊，新人的身邊好友昨日接獲喜訊都戥他們興奮。阿姐與謝賢（四哥）和他的前妻狄波拉私交甚篤，甚至認了他們的女兒謝婷婷為契女。阿姐和四哥早年在螢幕合作無間，曾合作無綫劇集《千王之王》、《千王群英會》及《天虹》等劇集。
四哥和拉姑昨日分別接獲記者通知阿姐正式成為羅太，他們對於這個突然而來的喜訊，反應甚大。拉姑更在話筒提高聲線大叫：「嘩！嘩！真係好啦！太好、太好，都咁多年，恭喜晒。」拉姑續說：「阿姐係香港人嘅阿姐，佢得到幸福全港人都戥佢開心，佢哋返嚟一定要做指定動作，搵佢哋食飯慶祝。」
四哥嫌收得密
四哥同樣為阿姐與家英哥拉埋天窗而雀躍，他昨日在電話說：「咁咪好囉，阿姐同家英都一齊好耐，我希望佢哋以後更加開開心心生活落去。」由於四哥未正式接獲新人的通知，他說：「阿姐收得好密都未通知大家，等佢返嚟自動自覺公佈喜訊後，我哋會再同佢慶祝。」
採訪：陳寶明、比華利