豬流感陰影下全港人人防疫，熊黛林（Lynn）昨日在銅鑼灣出席MOSrelax精油活動時，即場示範按摩，她也先用濕紙巾抹手消毒後，才為人按摩肩膊，十分小心。
「少啲出門」
Lynn說：「特別注意啲，我不嬲傷風感冒都會戴口罩，家都要小心，因為大家都唔知個病有幾厲害。我都會勤力啲洗手，少啲出門。」可會擔心在內地父母？她說：「唔擔心，佢哋係醫生，一向都好注重衞生，佢哋身上成日都有消毒藥水味。」問到Lynn可有提醒緋聞男友郭富城小心防疫時，她說：「冇。」會否盡量減少如kiss之類的親密接觸？她即詐儍說：「我多數同狗仔kiss，人傳狗，都未傳到，無啦啦點會咀人啫？」她又謂出席活動時，握手合照此類禮貌也會照做。
採訪、攝影：RitaLeung