「當阿sir話我聽，原來我接載過豬流感病人，個心都真係好寒。」正接受隔離之的士司機胡先生昨表示，這種心寒的感覺，至今仍未消退。36歲的他入行兩年，是「由朝踩到晚」的特更司機，家中有妻子、兩個分別就讀小六和中三的女兒。一家之主被隔離，只能隔着大閘與100米外的妻子通電話，他也很擔心家人的健康狀況。
「如果衞生署早啲畀到正確嘅資料，咁我同家人都可以早啲有防範。」胡先生指經歷過沙士一役，他對防止疫情散播也很着緊，「唔會話為咗賺多轉的士錢，攞條命去博。」他現時身體沒有大礙，也滿意隔離營的安排。
談及被重案組圍捕的經過，胡先生說當時「有小小嚇親」。前日早上8時，他跟行家吃過早餐，在荃灣享和街取車。
被圍捕只覺驚慌
當時十多名戴上口罩、手套的探員衝出，直至與胡先生相隔一段距離時立即停步，不敢再衝前，「當時個環境好緊張，佢哋叫我停車熄匙，攞身份證車牌，我都唔知乜嘢事，啲阿sir離遠拋咗個口罩、膠手套，叫我即刻戴住佢。」
胡先生不知就裏，只覺驚慌。探員向他出示兩張寫滿英文的白紙，「我都唔明寫乜。」探員說這是相關的法例，可把他隔離七日，並即時將他帶上救護車，由救護員測體溫，並送到度假營。本報記者