大市昨日狂升860點或5.5%，收報16381，成交急增至803億元。
呢個場面，相信十個散戶十個都估唔到，尤其係H指升幅更達6.1%，收9641，已升破所謂「牛熊分界線」的250日線，內地股市亦升至9個月新高，升勢如此強勁，散戶點敢胡亂睇淡？
港股連日勁升，走勢已見重要突破，散戶若以為港股在豬流感疫情之下跌多過升，明顯捉錯用神。由於散戶普遍持貨不多，一旦全民投入的話，估計大市稍作調整後，將反覆向上。
油價自去年7月高位145美元水平大幅回落之後，令一眾受惠油價下跌之股份重獲新生，其中有剛發表09年首季業績扭虧為盈的儀征化纖（1033），昨隨大市上升6.5%，收報1.46元。
上試1.8元
儀征首季錄得純利3634萬元人民幣，去年同期則虧損2714萬元。儀征上周升至1.59元後曾見回吐，旋即重拾動力，料升破近期高位1.59元無難度，破位將上試1.80元水平，伺機買入，跌穿1.30元止蝕。
方星俠