「大哥」話自己講「中國人需要管」，完全出於愛國心，計小弟話真係愛國，就支持中超球隊打入亞冠盃16強，周三FC山東只要主場擊敗篤定出線嘅大阪飛腳，就可以提早出線16強，主隊受讓平/半，愛國嘅球迷一定要早捧下盤。
先講一講F組形勢先，大阪飛腳4戰全勝已肯定出線，FC山東4戰取得7分，只要今仗擊敗大阪飛腳，就肯定憑較佳對賽，壓過第3位、只得4分嘅FC首爾出線。FC山東主場威力甚強，之前分組賽已連勝斯里維加亞及FC首爾，並攻入7球兼不失波，數糊人物有國家隊中鋒韓鵬；不過較擔心隊長舒暢因傷、而防中劉金東停賽，無法出席呢場關鍵戰。
大阪飛腳當然都唔會放水，因為今屆亞冠盃賽制十分特別，16強採一場過分勝負，首名出線就有主場之利；但目前分組形勢，飛腳只要攞1分就肯定首名，今仗未必同山東鬥攻，而且亦有二川孝廣同加地亮等傷兵，近期征戰頻頻，飛腳亦有疲態。目前讓球盤FC山東受讓平/半只得1.75倍，臨場有機會轉平手，早買定下盤有着數。
續追奧基迪對家
周三捧完亞冠盃，夜啲就揀北歐波做配腳，瑞超方面，取易不取難，繼續追奧基迪對家；奧基迪聯賽開「咧」至今，6場全輸，上仗對特利堡入波先，都可以反輸1:2，證明球隊冇運行，布洛馬波卡納作客都贏過佐加頓斯、咸史達斯等球隊，2.3倍客W可取。挪超尾場比賽，由利恩主場對洛辛堡，洛辛堡上仗只小勝費德列斯達，令捧「主勝」客失望，不過呢班波絕少連續兩仗開「細」，而利恩主場亦有一定攻力，1.75倍入球「大」可串。文：牽牛
早飛王貼士
星期三3 FC山東vs大阪飛腳
首選：FC山東（下）（1.75）
次選：FC山東和（3.35）
冷選：FC山東和1:1（7）
早飛倉
主菜：星期三3FC山東（下）（1.75）@3,000
渾水摸魚過關：星期三3FC山東（下）（1.75）x
星期三10布洛馬波卡納勝（2.3）x
星期三12利恩大（1.75）3x1@500
今日早飛價錢：-$3,500上日賺蝕：-$4,000
早飛倉結餘：$76,225
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三11 車路士vs巴塞隆拿
車路士在歐聯準決賽首回合，作客迫和巴塞0:0，不過巴塞剛以6:2狂勝皇馬，不單在國家打吡戰勝出，更累積100個聯賽入球，車路士周三主場出擊，再守還是會攻？
星期四1 薩克達vs基輔戴拿模
薩克達在上周的歐協盃準決賽首回合，作客成功偷雞迫和對手1:1，今仗只要不失波便出線；今仗出線的一方，更為烏克蘭創造歷史，成為該國首支打入歐洲賽決賽的球會。