豬流感終於殺入香港，我哋班的士佬當然擔心喇，最驚再無人敢搭的士，生意難做。車主M安慰大家，「唔使騰晒雞喎，慶幸香港暫只得一單證實個案，最重要係呢排大家唔好太操勞，最緊要Keep好身體，牌都係打少啲為妙。」又啱嘅，我哋揸夜更的嘅，真係無謂再傷神打牌囉，無客寧願早啲返歸瞓覺好過。
講開慌失騰雞，早兩日又執到部iPhone。揸車佬最常執到不離手機同銀包，好多客仔趕時間，邊講電話邊落車，畀完錢就賴低個荷包，好彩都有行家唔會據為己有，的士界就有個的士聯合報失服務中心，由新界的到市區的都有聯網，假若你咁大個人仲會漏野，就嗱嗱聲Save低以下報失電話喇。
文：黃師傅
報失求助熱線：23858288