【北京直擊】張曼玉早前聯同建築師男友OleScheeren出席Burberry北京新店開幕活動，她大談未有接到合心水劇本，反而多拍各雜誌的「時裝大片」過時裝戲癮，談到最愛的時裝風格，她指首要是舒服及能穿上多年的款式，更謂樂於演繹設計師們要創造的女人形象。
愛情大過天、沉醉拍拖的張曼玉，近年能見她蹤影都是各大小時裝活動，上周四她與建築師男友OleScheeren拍拖出席Burberry北京店開幕活動，曼玉穿上金色trenchcape及黑衣黑褲，不費吹灰之力流露fashionicon風采，同場的來賓有憑《集結號》成為中國百花獎及金馬獎影帝的張涵予、徐靜蕾緋聞男友黃覺和內地名模杜鵑等。
看心情換形象
談時裝經，曼玉幾乎是hip&chic設計師的最愛之一，她也直指樂於演繹設計師們要create的女人形象，她說：「好似NicolasGhesquiere、RiccardoTisci，嘩，佢哋都令女人有好鮮明突出嘅shape同form，着咗之後唔止係stylish咁簡單，係會多咗份氣勢。」
曼玉續說：「ChristopherBailey嘅設計就soft，個個都好唔一樣，好配合我，因為我係好睇心情換形象嘅，直情可以日日唔同，不過主要都係想舒服自然，日日都咁『行』你估唔攰咩！尤其我成日要外出知道會見到好多人，唔係出席event係私人活動時，好似去機場，我會盡量要又舒服又低調。」
向來不追潮流
現時長駐北京的曼玉，又指暫時未接到合心水的劇本，不過經常與不同時裝雜誌拍「時裝大片」，因為班底與穿的時裝都不一樣，所以可以過短暫戲癮。現時金融海嘯，很多人都變心轉攻襟興不追逐潮流的方式，曼玉則說：「不嬲都應該係咁嘅喎，一件衫襟着多年係好正常合理，我唔prefer嗰啲得個怪、轉頭着唔番嗰類衫。」採訪、攝影：LingTing
