港股兩個禮拜前喺16000邊掉頭回落，好快跌穿咗兩條短期平均線，短線技術走勢轉淡，突然又殺出個豬流感，形勢都幾差，由於花旗股市靠穩，A股又造好，恒指喺低位好快彈番上嚟，放假前升番上10日線樓上，成交大幅增加，如果keep住個勢，短線有機升破16000關。
中石化C輪15466：中石化（386）上日報收6.08元，升4.8巴仙，喺大成交支持下，再度上破位處5.99元嘅250日線。
中石化睇個勢有機會推向7元水平，可以諗吓隻C輪15466，隻輪現價10.5仙，屆滿日09年11月23日，行使價5.988元，溢價15.7%，槓桿率5.7倍，有效槓桿3.4倍，引伸波幅58.5%。
正股升上7元，15466睇16.5仙，有五成升幅。正股跌穿5.70元，就沽咗隻輪止蝕。
俊樺