鴻海董事長郭台銘（右）連日來都去到醫院探望太太曾馨瑩（狗狗小圖）同埋囡囡郭曉如，據知佢前日送早餐去到醫院嘅同時，原來已靜靜幫老婆辦理出院手續，似乎唔想兩母女曝光。之前狗狗所住嘅樓層原本有警衞巡邏，但係噚日就主動話畀記者知狗狗喺前日中午已經出院，而郭台銘噚日中午就返到公司處理公務，未有再現身醫院。