股壇有句說話「五窮六絕七翻身」，歐美亦有句「SellinMayandgoaway」，點解中西股壇都有5月份要走貨之說？唔通真係根據以往股市統計所得的結論？
市場無時無刻都有利淡消息，問題係股市升跌唔會淨係跟消息而行，亦會睇其他因素，港股上周放長假前大升兩日，唔少人都預計唔到，散戶若然未能捉正，不必勉強自己入市，短期可先作壁上觀，睇清楚形勢再算。
台灣自與大陸三通之後，政經交流漸見頻繁，市場亦開始留心台灣概念股，其中一隻剛重返台灣股市，發行預託證券上市的中國旺旺（151），呢輪股價表現都算搶鏡，市場曾傳過中國旺旺計劃收購滙源果汁（1886），但集團已否認。
目標價4.5元
近期台灣股市成為焦點，中國旺旺返台上市都算合時。中國旺旺自今年3月起穩步上升，上周四股價曾升至3.96元，創上市以來新高，收報3.89元，升1.8%。後市只要守穩3.80元水平，短線料伺機再升，目標4.50元，短炒以3.30元止蝕。
方星俠