徐濠縈前晚接受吳君如主持的商台節目《嘩！嘩！嘩！打到嚟》訪問，大談誕下女兒康堤的過程。她透露當時是半身麻醉分娩，更被女兒的喊聲感動到哭出來。
難忘女兒噴屎
阿徐說：「我覺得個感覺好奇妙，但係姑娘剪完臍帶拎個BB畀我，叫我錫吓佢，我當時覺得佢好肉酸又污糟，我問可唔可以轉頭先錫，我估Eason（陳奕迅）當時聽到我咁講，都會嬲嬲哋。」
阿徐表示湊女的歷程中，最難忘女兒將糞便噴在她的睡衣上。原來她當年與Eason是沒有計劃生小朋友的，她記得當年為沈嘉偉打工，於歐洲工作時感到又暈又嘔，於是致電醫生查問，她說：「醫生叫我買支棒驗吓，一驗到我即刻打電話畀Eason，當時我好怕俾人知，保密工夫做得好足，但係都唔知點解俾人知道。」此時吳君如即笑說：「咪就係你老公爆出嚟，佢邊忍到口呀！」
採訪：何慧斯