李克勤、譚詠麟和曾志偉前晚到北京出席音樂會，他們均知道香港有一宗豬流感確診個案，克勤表示擔心一定有，希望疫情快來快走，他說：「真係冇辦法，惟有勤啲洗手，注意個人衞生。下月要去美加做演唱會都擔心㗎，始終屋企都有小朋友。我啱啱有啲感冒都食咗藥，因為唔知啲菌會點。」克勤表示每次出埠之後都會自我隔離兩日，以免感染囝囝。
勿歧視墨西哥人
問到阿倫會否擔心下月美國的《左麟右李》演唱會要取消？他說：「主動權唔喺我哋度，要睇搞手。香港之前有沙士，當時如果俾人知道係香港人都會被人歧視，家發生豬流感大家唔好歧視墨西哥人，大家要共同面對，家家有求，全世界都有可能發生。」
曾志偉則擰擰頭說：「多災多難呀，希望快啲過去啦，香港人以前都感受過，大家應該互相幫忙。」
採訪、攝影：曾小嘉