東岳（189）呢家全國最大嘅製冷劑生產商，受惠谷內需政策，中長線有運行，好。東岳07年尾先上市，比較冷門，而集團除咗係全國最大嘅製冷劑生產商，亦係全球產能最大嘅含氟物生產商之一，來頭唔嘢小。
阿爺呢期推出包括家電下鄉等等谷內需政策，配合祖國尤其農村龐大嘅內銷潛力，對好似空調、冰箱等家電，需求龐大。加埋東岳本身生產及客戶優勢，長線可以好肥仔。
好保守計數，就當集團09年度（12月底止）純利只係keep到1.2億銀人仔水位，但PE都係講緊得7倍幾，面對一個極具高增長潛力市場，呢個PE水位，平到不得了。再講，東岳最新NAV1.03元，現價（0.54元）折讓48%，亦有唔錯折讓墊底。就以呢個好保守嘅預期PE做準，東岳PE上到10倍水位，價見0.685元，現價回報率都講緊25%。
短炒寶威 博升兩成
寶威（024）現價0.16元，仲殘過沙士低位，相對每股NAV0.438元折讓63.4%，又係有唔錯嘅折讓墊底。又寶威08年度（12月底止）見紅蝕近1.5億銀，但最主要係受到聯營商譽減值所累，寶威要硬哽聯營1.9億銀虧損。唔計減值，集團實際純利4806萬銀，PE都係5字頭單位數。
再講，寶威上年供股，大股東陳城夫婦嘅權益，由原先46%變相增加到62%，又係信心表現。呢轉短打，博寶威升20%到0.19元，未有耐上到NAV水位。
錢雋