03年沙士爆發，導致香港百業蕭條，飲食業飽受衝擊，不少藝人如歐陽震華、張堅庭和郭少芸等投資的食肆，情況慘不忍睹。經歷過沙士一役後，Bobby、張堅庭和郭少芸又再面對豬流感衝擊，記者昨日先後到多間藝人投資食肆查看，包括筲箕灣越華會、沙田的表哥茶餐廳、郭少芸於旺角朗豪坊開設的簡單廚房、及谷祖琳於大坑的小甜谷甜品店等等，暫未覺眾人生意受到影響。不過，有見豬流感肆虐，Bobby已叫員工提高警覺，身在內地拍劇的他說：「我已經叫啲夥計勤啲洗手，或者考慮叫佢哋開工戴埋口罩。」
採訪、攝影：林妃、娛樂突發組
陳妙瑛定時消毒
食店：江南美廚
轉投食肆生意的陳妙瑛，在港、九、新界區擁有4間江南美廚，為了防範疫情，她已下令要加強清潔，例如每兩小時要用消毒藥水抹所有門柄及清潔洗手間，又用1:99漂白水抹地，廚房工作人員均要戴上口罩，若有患病員工便即時放病假休息，陳妙瑛昨接受電話訪問說：「食肆人流較多，所以衞生好重要，暫時對生意都冇乜影響，一樣有好多人出街食飯，希望控制到疫情，經歷過沙士，大家都有經驗去防範，最緊要係令顧客有信心。」
歐陽震華開工戴埋口罩
食店：越華會
歐陽震華與友人等早年合資開設越華會，記者昨日到位於筲箕灣的越華會查看，雖然未見員工戴上口罩，但記者致電Bobby時，身在橫店的他原來已透過電話提醒員工提高警惕，Bobby說：「我家喺橫店拍緊劇，不過我都知道豬流感嘅事，知道香港呢邊大家都好緊張，已經打電話叫啲夥計注意衞生、勤啲洗手，或者考慮叫佢哋開工戴埋口罩。其實經過沙士一役之後，大家嘅反應都快咗，識得早啲做好預防措施。」問可擔心生意額受影響，他說：「我唔喺香港，所以生意額方面唔多清楚，但相信暫時都冇乜問題嘅。」
郭少芸搶購口罩
食店：簡單廚房
郭少芸於旺角和將軍澳開設簡單廚房，昨日記者到其旺角店舖查看，未見有特別預防措施，不過記者昨日跟她電話聯絡時，原來她正四出搜購口罩、洗手機及消毒用品。郭少芸說：「我家買緊洗手機、口罩同消毒藥水，其實啲夥計戴住口罩會令到啲客唔係咁舒服，不過沙士嗰陣鬧過口罩荒，所以我都係買定啲擺喺舖頭，同埋會提醒番員工注意衞生、勤啲洗手。」
谷祖琳密密洗廁所
食店：小甜谷
谷祖琳早前在逆市中於大坑開設了甜品舖小甜谷，雖然香港已有第一宗豬流感確診，但她表示不會太擔心，她說：「做得食肆就預咗多人流，自己唔會驚。」問到小谷會否加強衞生措施？她說：「我哋一向都好注重清潔，所以冇特別咁做，一直都係定時清潔廁所，而且收工時一定會大清潔。」小谷又指每天收舖全店會作徹底清潔，當中包括用1:99的漂白水抹廚房及樓面地下，所有用具都會清洗，就連枱凳都會以漂白水抹乾淨，現時她沒有要求員工戴上口罩。
張堅庭令員工勤洗手
食店：表哥茶餐廳
張堅庭在廣州和沙田都經營表哥茶餐廳，對於豬流感在香港出現確診，他雖身在北京趕戲，但仍遙控監督食肆的衞生情況。阿庭吸取了沙士的慘痛教訓，這次更慎防豬流感，他昨日在電話中說：「呢次世衞處理豬流感好有效率，港府都好配合，既然有確診，我對食肆衞生環境都要求嚴格咗，我要員工好注意個人衞生，定時勤用梘液洗手，店內同洗手間就要定時清理消毒。暫時廚房員工要戴口罩處理食物，如果遲啲疫情再進一步，我唔排除要樓面員工都要戴口罩。」
