謝天華（Laughing）和苗僑偉（三哥）昨日在彩虹一間小學拍攝劇集《老公萬歲》，向來注重形象的三哥，昨日與謝天華扮鬼扮馬，齊齊戴上爆炸頭假髮、身穿體育校服，與十多名小學生拍一場籃球比賽，場面搞笑。
三哥見到在場的記者，即笑說：「今次真係瀨嘢，Laughing仲叫我抽高啲條褲，慘喇！今次真係乜嘢形象都冇晒！」另一個亦聲稱「冇晒形象」的天華，影相其間更遭三哥戲弄，三哥叫他擺甫士要「薯嘜啲」，令本身已經表現尷尬的天華更尷尬。事後他們說劇中還有其他古怪造型，不過他們不肯透露，要保持驚喜。後來記者問他們有否因為短褲抽得太高而令「小天華」和「小三哥」不舒服？他們笑說：「大細都好舒服，着住條短褲不知幾凉爽！」
飲淡鹽水殺菌
對於近期豬流感肆虐，他們表示最重要是小心，天華說：「三哥叫我每朝起身飲一杯淡鹽水，聽講話殺菌。」三哥說：「呢啲係老人家嘅建議，又平又經濟，試吓都冇壞。」
採訪：何慧斯 攝影：陳慧安