現年38歲嘅日本女星永作博美前日透過親筆傳真，宣佈已經喺上月27號同39歲嘅廣告創作人內藤Maro秘密註冊結婚。據知兩人因為05年合作日本酒廣告而撻着，當時已婚嘅男方更為咗永作而離婚。永作強調並非奉子成婚，婚後仍會繼續拍戲，至於婚禮同婚宴就暫時未定。另外，36歲男星大泉洋噚日亦宣佈同39歲嘅富士電視台女監製中島久美子結婚。