神童沈詩鈞年前以9歲稚齡入讀浸大數學系全城轟動，甚至成為國際新聞，士別三日，神童已經升班讀Year2，而且快高長大有1.5米高，剛過11歲生日嘅詩鈞表現開始老積，不過稚氣未消，佢同八方講，家覺得同大學啲姐姐、哥哥玩得埋啲，同齡嘅舊同學，由於話題唔同，已經少咗聯絡。
兩年前開學時，詩鈞每日都要由爸爸湊返學放學，家陣大個仔，佢已經獨來獨往，「讀咗兩年，仲唔識路咩？」沈父唔使做湊仔公，據講已做番嘢。詩鈞哥哥、最年輕牛津博士生沈誼謀，上月假期時亦返嚟香港陪細佬。
誼謀年僅18歲，係Oxford-ManInstituteofQuantitativeFinance嘅AssociateStudent，今個學期仲開始教書，不過佢話講授嘅科目太深，冇乜學生有興趣，只得三個學生選讀，所以佢下學期暫停教書，繼續專心做研究，佢又透露日後有意返本港大學教書。