樂基兒噚日以陽光大使身份喺黃埔出席紀念5．12四川汶川大地震活動，大會安排佢同四名經歷過四川大地震嘅小朋友一齊出席，樂基兒話覺得好感動。佢話呢排忙緊參與幾個慈善活動，其中有個會同一齊學繪畫嘅同學捐出畫作拍賣，不過佢否認善心爆棚係受男友黎明影響，佢話：「自己一向都鍾意做，我覺得credit應該畀番同學。」