睇見世衞將防疫警戒一級一級係咁升，大家都聞「豬」色變。可怕疫症隨時殺到，當然要立即戒備，搶消毒洗手液、口罩流感藥之餘，你嘅座駕都絕不能忽略，應該立刻作出相應措施搞衞生，防霉殺菌消毒步步做足，惡菌病毒都無咁容易埋到身。
記者：許維雅
攝影：陳陶鈞
Model：CC
自己動手 好Easy
要保持車廂清潔衞生，唔好懶，自己動手其實都好簡單，市面上有唔少產品可以幫到你。
全車Keep住清新
03年沙士爆發，大家都應該有不少殺菌經驗，幫愛車內櫳搞衞生，都不離用1:99漂白水或者消毒清潔液左抹右抹，而車椅部份就可選擇一啲除菌消臭清潔液密密噴。不過最方便之選係放個汽車用殺菌煙霧彈，就可以深入車廂每個角落殺菌，關好門窗焗幾分鐘便可，夠方便。
CARMATE汽車煙霧彈$65
焗5分鐘，細菌無碇匿。
CARMATE除菌清潔液$45
殺菌除異味，可作平日簡單清潔之用，更可直接噴落車椅表面殺菌。
吸味脫臭炭$48
放喺前排座位下面，有吸濕防霉功能，減少細菌滋生。
DEFOER太陽能負離子空氣淨化機$320
清潔完，都要Keep住空氣低污染，時時淨化唔少得。
通風系統最多菌
汽車冷氣都係絕不可以忽視嘅一部份，可以話係細菌滋生嘅重要基地。市面上有不少洗冷氣嘅清潔用品，大部份都有除菌消臭嘅功能，簡單易用，清潔完再加個冷氣過濾網、車廂空氣即時清新晒，即使唔係有疫症，車主都應該係時候花啲工夫洗冷氣，迎接炎熱夏天狂開冷氣嘅日子。
Willson冷氣抗菌噴霧$58
有噴嘴方便深入冷氣位，殺完菌仲畀埋你檸檬清香。
3M冷氣過濾網$199
深入清潔完，再用埋佢，加強淨化車廂內空氣。
產品提供：偉良汽車音響配件中心（23842464）
出車減風險？ToyotaYaris
豬流感令大家人心惶惶怕出街，有無諗過入貨買架車仔作家庭代步車，咁就唔使逼公共汽車易受感染，都不失為減低染病風險嘅方法！新手買車，Yaris一向係不錯嘅選擇，車仔細細又慳油，內櫳夠闊，尾廂又夠大，最啱全家出動四圍去。家出車仲免費贈送7吋輕觸式音響系統及後泊車鏡頭。
規格
引擎：1,298cc直四VVT-i
馬力：87ps/5,600rpm
扭力：12.3kgm/4,400rpm
傳動：四前速自動波
售價：$155,520
查詢：28661020（皇冠汽車）
車廂衞生小貼士
搞大掃除踢走細菌，除了清洗車身、車櫳及冷氣之外，在流感高峯期，要加強防範措施，挑戰者汽車美容營運經理Kelvin提供了幾個小貼士給車主。
1.提早熄冷氣
風槽及冷氣多細菌全因積水，一般車主在夏天開冷氣時都會調校至22℃左右，若落車先熄冷氣，熱空氣進入溫度相差大嘅冷氣槽，會令水珠出現，所以最好落車前5分鐘先按A/C掣或調高冷氣溫度，慢慢CoolDown，可有效減低細菌滋生。
2.定時更換冷氣隔
即使清洗完冷氣，亦要盡量保持半年至九個月左右更換冷氣風隔，先可以有效保持車廂空氣清新。
3.保持空氣流通
流感期間，Kelvin建議車主應該盡量打開少少車窗，引入生風令車廂保持空氣流通。
專業除菌 夠全面
平日返工已經忙到半死，好多車主都無時間無精力自己打掃，寧願使少少錢搵汽車維修美容中心搞，感覺又會較全面。
兩大「療程」
現時大部份除菌「療程」都係蒸氣洗車及臭氧空氣淨化兩種。雖然暫時未有專門針對流感嘅殺菌洗車服務，但行內人指，超過100℃嘅蒸氣已經可以殺死細菌，始終蒸氣殺菌係最有效亦最傳統嘅方法，起碼唔會容易引起敏感。至於臭氧空氣淨化，原理係以高濃度嘅臭氧破壞空氣中嘅細菌細胞，除味殺菌，亦係汽車美容最普遍嘅方法。
為咗支持除菌抗疫，蘋果更獨家搜羅咗四個優惠給讀者，讓各位車主可以率先為愛車來次大掃除。
蘋果讀者優惠
挑戰者汽車美容
空氣淨化服務：優惠價$480
蒸氣清洗車廂：$1,000-$2,100
＊蘋果讀者現惠顧蒸氣清洗車廂服務即可免費獲贈吸塵服務一次。（價值$118）
優惠期：即日起至5月10日
查詢：25089222
NTI快速汽車護理
OG殺菌消毒高溫蒸氣清潔車廂套餐：優惠價$880/$980（加送原價$700全車皮革護理）
＊蘋果讀者惠顧OG套餐即送汽車負離子抗菌加濕器（價值$380）及電腦洗車服務全套（價值$130）。
優惠期：即日起至5月31日
查詢：23452193
捷信汽車維修站
車廂Ozone臭氧除臭及淨化處理：$400起
車廂高溫蒸氣清潔服務：$500起
＊蘋果讀者惠顧任何維修服務套餐，即送「車廂臭氧除臭及淨化處理」一次。
優惠期：即日起至5月17日
查詢：27682602
JAS汽車美容中心
Ozone臭氧車廂淨化：$368
清洗冷氣服務：$400-$500
＊蘋果讀者可以優惠價$688惠顧以上臭氧淨化及清洗冷氣兩項服務。
優惠期：即日起至5月31日（只限私家車及必須預約。）
查詢：22956333
（只要憑本版即可享上述優惠，所有商戶保留最終優惠決定權，《蘋果日報》概不負責。）
‧必須憑報紙上的印花才可以享有優惠。