屋企窗台仍然好吉，繼續要買figure，我諗填滿晒先會收手。早排同媽子阿哥飲茶，我明知碧豪有隻我好想要嘅阿Sid，最後終於上咗佢屋企拎走咗。再加埋啱啱買到嘅花山薰，窗台更熱鬧起嚟。
大家有冇睇星爺套《新精武門1991》？劉晶喺世界拳王大賽初賽，撞番前度師傅趙東，當時星爺口口聲聲讓大儍3招，點都叫對師傅尊敬過。克魯家陣護級要救命3分，教頭科達臣9年前帶領史篤城嗰陣，現任李斯特城領隊尼祖皮亞臣都係佢副手咋。家陣徒弟仔彈起咗攞咗英甲冠軍，係時候讓番師傅幾招送分啩？哈，希望佢唔好似劉晶咁，最後一嘢唔算數啦！
主客和：克魯勝
心得：徒弟仔要讓番師傅
近5場往績：LLLWL
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。