奧巴馬唔止係黑人，仲係好「黑」嗰隻。佢上任100日，明明孭住個金融海嘯包袱，點知呢頭起勢印銀紙令經濟暫時穩定，隔籬嘅墨西哥又整單豬流感佢嘆，都咪話唔煩。但諗深一層，好似佢呢啲級數，應該勇於接受挑戰，寂寥先至係強者嘅天敵。時勢造英雄，或者命運整定要佢克服困難，永垂不朽。
舒利亞踢波時一定係強者，教波係點就未知，佢眼前所面對嘅困境好大，周日仲要作客有謝拉特復出嘅利物浦，點算？唔使諗，亦冇得諗，係強者就唔應該避，希望佢會帶領紐記同紅軍鬥攻，重演基瑾年代紐記鬥紅軍嘅「大」戰經典。
大細：利物浦大
心得：仲縮？前世未降過班？
近5場往績：LLLWW
藍鑽石
與簡拿華路同日出生嘅囡囡入學，今季大把時間睇波，尤其係意甲。