大美人關之琳噚日喺台灣出席母親節活動，仲即場示範最啱送畀媽咪做母親節禮物嘅手錶㖭。佢話自己都好鍾意收藏手錶，唔介意做手錶代言人。關之琳身邊嘅異性密友數之不盡，今次佢講話自己鍾意儲錶，唔知裙下之臣識唔識做呢？馮仁昭下次見到關之琳，一定要實佢對手，睇吓又換咗乜嘢靚錶囉。