西甲夜場續上演好戲，這次是爭前4名的大戰，由維拉利爾主場對西維爾。「潛艇」將缺正選右閘，隊長辛拿又未趕及上陣，讓平/半絕對要唔過，取下盤。（球賽編號：星期六68；有線14、61及64台明日4:00am直播）
西維爾原本第3名位置極穩，但聯賽4連敗後，僅較第4的華倫西亞及第5的維拉利爾多1分及2分，恐難保歐聯直接參賽資格。可幸維軍未正式確認回勇，尤其防線更差，而西維爾除前鋒捷雲頓外，其餘像簡路迪、路爾斯法比安奴及捷西斯拿華斯等俱可披甲，有力一拼。
維拉利爾近兩仗連勝，但要留意對住中下游隊基達菲及維爾瓦俱要失球。至於中場辛迪卡索拉收「咧」，即使隊長辛拿傷勢進展良好，但仍趕不及上陣；正選右閘安祖盧比斯今役又要停賽，要靠老將查維雲達頂替，使西維爾左路的迪亞高卡普及艾迪安奴優勢大增。
此外，維軍左閘卡迪維拿日前因傷缺操，雖據報已復操但僅可作輕鬆練習，又是漏洞，讓波捧唔過。至於另一場馬拉加作客紐文西亞，後者幾乎屬降班穩膽，近3場又全敗，當取要爭歐洲賽資格的馬拉加上盤，讓平/半照去馬。
畢傑
讓球過關
星期六67馬拉加（上）x
星期六68西維爾（下）2x1