我部電腦喺早幾日開唔到，原本攞落樓下間電腦舖整，但看舖條o靚仔啲知識仲流過我，講啲嘢仲廢過某位天王級歌手，毫無建設性，話一係硬盤壞咗，一係就中咗毒，呢啲嘢我夠知啦，使鬼佢講咩！
咁都未算，佢冇check過部機，就叫我放低第日返嚟攞，喺信佢唔過下，我決定攞俾我嗰位精於電腦嘅老友Chapman同我搞。呢一代嘅香港人，冇咗手機同埋電腦簡直生活唔到，講真，我部手機都唔係日日響，部電腦亦唔係日日開，不過是但一樣冇咗喺身個心就唔知點咁，而且亦周身唔自在。
上期靠利記攞番個W，禮拜日佢哋主場對同條電腦舖o靚仔一樣咁廢嘅紐卡素，應可輕鬆再贏一場。
讓球主客和：利物浦勝[-1]
心得：紐記班前鋒太廢
近5場往績：WDWLL
青蛙仔
睇德國波同埋英國波大，大個之後攻埋日本波，兼且對日本藝能界幾有研究。