華懋公演木偶劇《天長地久》幫恩愛夫妻王德輝、小甜甜平反，第二部曲則係一齣舞台劇《風水奇譚》，據知已情商高志森做導演或監製，高生前晚出席《天長地久》首演時，透露《風水奇譚》會根據王、龔發大達事迹編劇，暫未決定主角人選，或者會搵人戴上面具演出，但應該唔會有影射風水師情節，免得影響官司。
高志森稱以前做《我和春天有個約會》時，獲華懋借出場地搭景，所以今次能夠參與《風水奇譚》係榮幸。鋼琴大師劉詩昆弟子孫穎亦有出席首演，孫穎話出年係鄧麗君逝世15周年，會聯同模仿小鄧維妙維肖嘅單紫寧巡迴世界表演，劉詩昆都可能會參與。