經過「沙士」一役，豬流感未殺入香港，已令唔少香港人人心惶惶，口罩炒貴晒，曾特首連去「海馬公園」主持新動物園開幕禮，都叫員工小心。
好多港產片都有關於沙士情節，好似《天作之盒》、《六樓后座》、《金雞2》；最感人當然係《天作之盒》；蔡少芬飾演為醫「沙士」而犧牲嘅謝醫生，同最近電視台翻播嘅女警片，飾演剛強女警又有截然不同嘅演出；之前上美女廚房又煮得一手好菜，難怪「汁田」都想娶佢做老婆。
墨西哥國運麻麻，又豬流感又地震，國家隊隊長馬基斯又長唞，今次西班牙國家打吡，唔知馬基斯黑氣會唔會影響到巴塞，但平手盤一定支持皇馬。
讓球：皇家馬德里（平）
心得：皇馬一條心打呢場
近5場往績：LWDWW
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！