黎姿今年初息影嫁人，和富商馬廷強拉埋天窗，婚後生活富泰的她養尊處優，用好、食好兼住好。大前晚她佩戴閃爍鑽戒，手拎約35萬元、Hermès的Birkin鱷魚皮袋，偕夫婿坐Audi靚車，從價值逾億元的半山愛巢前往富豪飯堂福臨門嘆鮑參翅肚，貴氣逼人。
黎姿和拍拖6年的富豪夫婿馬廷強今年初宣佈婚訊，兩人新婚燕爾如膠似漆，十分甜蜜。早前本報才拍得馬氏夫婦拍拖去中環睇戲，大前晚倆口子再度出擊，齊到灣仔富豪飯堂福臨門晚膳，大擦豪門宴。
當晚約8時，黎姿、馬廷強與數名親友分批到達酒家。婚後養尊處優的黎姿較前豐腴，且精神飽滿，她打扮大方，穿短裙外披長褸，左手戴上閃閃生輝的巨型鑽戒，並挽着一個價值約35萬元、Hermès的Birkin鱷魚皮袋，甚具富太風範。同行的馬廷強也執到正，身穿筆挺西裝，笑容滿面地偕同太太進食肆。
向丈夫回眸微笑
約兩個半小時後，馬氏夫婦用餐完畢，即與數名親友一起離開。黎姿一馬當先開路，與友人邊講邊行，馬廷強尾隨在後，兩人跟友人在街頭揮手道別，走在前端的黎姿雖然跟丈夫相隔數個身位距離，但沿路她不斷回頭，朝夫婿展現甜笑，互有眼神交流。
一百幾十萬行頭掛上身的黎姿，在高檔飯堂用餐後即登上丈夫名下的Audi名車，馬廷強則充任柴可夫，駕車載愛妻齊返價值過億元的半山愛巢蘭心閣。
留港迴避豬流感
此外，據悉黎姿原本打算與老公馬廷強四處遊埠再度蜜月，但見豬流感在美洲和歐洲蔓延而打消念頭。跟黎姿感情要好的無綫製作部總監樂易玲昨在電話中說：「佢原本想同老公周圍玩，我哋本來打算喺暑假約埋去英國睇騷，但家流感咁勁，我叫佢邊度都唔好去啦，留番喺香港就最安全。」
採訪、攝影：娛樂突發組