不時被傳有喜的李嘉欣，昨日身穿一襲貼身短裙現身鑽石活動，力證沒懷孕。她自爆新居入伙後，不想搞亂整齊的居所，又不想親自陀仔，寧願說服老公許晉亨，另覓港女代母生兒育女，並否認赴美接受人工受孕。
李嘉欣去年高調嫁許晉亨，成為豪門少奶奶，婚後多次傳出懷孕，她昨日在銅鑼灣主持Forevermark新店開幕，身穿單肩貼身裙的她不似懷有身孕。大會送了一顆超過10萬元的1卡鑽石戒指給她，她又在店內試戴兩套共1,400萬元的鑽飾，包括一枚11卡巨鑽戒指。
「千祈唔好有」
一向愛晒命的嘉欣，被問到是否擁有1卡鑽石時，她說：「我乜嘢卡數都有。」最大顆鑽石是多大，是誰送？她說：「唔講得唔得？我買都有，老公送都有，老公送嘅都係完美嘅。」她指有比11卡巨鑽更大的鑽石。嘉欣又透露愛巢曉廬已裝修完工，她說：「已經入咗伙，一齊住囉！」即是可以努力造人？她卻說：「唔需要努力，唔使刻意，平常心。家入咗伙，望住間屋，唔想有細路仔，覺得好嘥，千祈唔好有呀！」
嘉欣謂只有媽媽暗暗催她生BB，老爺奶奶反而沒有催促，嘉欣更說：「其實我家想搵代母，將自己同另一半嘅DNA，有一個結晶品。」不自己生莫非怕身材走樣？她說：「其實有啲人想經歷懷孕過程，我就唔想，所以家要搵一個啱嘅女性做代母，好似莎拉謝茜嘉柏嘉（SarahJessicaParker）都係咁。」問她老公許晉亨是否接受？她說：「未知，我未講，但我會說服佢。」
港女為首選
之前有傳嘉欣為求開枝散葉，不惜到美國接受人工受孕，問她可是受孕失敗改覓代母？她說：「我從來都冇試過（人工受孕），我對上一次去美國係10年前嘅事。」她又謂代母人選以香港女性為主，至於何時生，她說：「冇時限，冇所謂。」
採訪：顏英儀
攝影：陳順楨
