鍾欣桐（阿嬌）因淫照而被迫暫別娛圈一年多，早前正式復出，前晚她以神秘嘉賓身份亮相《志雲飯局》舞台版，以張栢芝的勇氣齊蔭高髻裝現身。阿嬌復出後首次上台獻唱國語歌《隱形的翅膀》，卻緊張到聲線抖震。
陳志雲一連三場的《志雲飯局LiveOnStage》前晚在尖沙嘴文化中心舉行尾場，嘉賓包括吳君如、鄭裕玲和陳潔靈等，古巨基及鍾欣桐則以神秘嘉賓身份現身，蔡卓妍和經理人霍汶希到場為阿嬌打氣。
尾聲時，志雲介紹阿嬌出場，他說：「佢係生命熱線嘅愛心大使，由一個乜都冇，忽然變乜都有，家又乜都冇，但為佢而驕傲，冇決定終結生命。前路係好難行，但佢堅持行落去。」
阿嬌以齊蔭高髻裝現身，恍如另一淫照女角張栢芝早前在Angelababy生日會祝賀片段的造型，阿嬌裝作輕鬆說：「Hello，hello，好耐冇見。」阿嬌復出後首次上台唱歌，唱出國語歌《隱形的翅膀》，但聽到她聲線抖震，明顯相當緊張，之後她說：「我經過28年嚟最困難嘅時候，但學識只要唔放棄自己，所有人都唔會放棄你。」之後志雲在慶功宴上表示，見到阿嬌聽到掌聲而眼泛淚光。
嘲成龍頭痕
另外，君如上台時，志雲提到當日和她傳斷背情的俞琤，她笑說：「你有冇搞錯佢係男定女？」志雲笑稱有時會混淆。兩人又取笑成龍的奴才論，君如說：「邊個做掃黃組組長冇問題，但唔好搵成龍，佢做過男人犯嘅錯，近日又『動L』頭痕。」志雲又笑言高志森經常為慳錢，叫演員借用其他藝人的化妝師，一度令汪明荃黑面。
採訪：楊潔雯、馬建華 攝影：仇志德
