模大軍近年崛起，這股娛圈新勢力已由天橋踩過界躍登舞台及大銀幕。獲大批宅男熱捧的20歲界icon文詠珊（JaniceMan），下月與模特兒公司合約屆滿，三大娛樂商紅館、寰宇及星皓均吼實這塊肥豬肉，各自出招搶人，豈料昨日突然殺出黎明這個程咬金，揚言有意與JaniceMan簽約，攔路硬搶賣身契。
年紀輕輕的文詠珊締造了o靚界女模神話，6年前14歲的她與鄒世龍的StarzPeople模特兒公司簽下6年經理人合約，箍牙兩年後變臉重生，05年甫出道即成為矚目o靚模，融合日系及MK文化的她獲大批o靚仔追捧，與勁敵楊穎（Angelababy）平起平坐，齊登o靚界女神寶座。
專注幕後栽培新人
下月JaniceMan將約滿StarzPeople，但早前有傳她態度囂爆，接job失場兼遲到，又傳其父肥水不流別人田，密謀父女檔自組公司銀，續約一拖再拖，致StarzPeople怒掟她入雪櫃。據悉JaniceMan被雪藏後，坐擁大批宅男fans的她仍不愁冇得撈，正好趁這段冷凍期搵新碼頭，雖然她偕父爐灶未起已被踢爆，但文媽媽隨即頂上，儼如經理人般親自為女兒傾約，斟洽對象包括寰宇、星皓及紅館三間娛樂商巨頭。
本來論牌面應以林小明的寰宇成數最高，事關JaniceMan先後接拍寰宇出品電影《愛鬥大》及《愛情故事》，後者的電影海報更以她做賣點，連有份主演的林小明愛將江若琳都要靠邊站。但想不到身為百事活經理人公司及Amusic唱片公司老闆的黎明，昨日忽然開聲加入戰圈，講明想招攬JaniceMan，其星途與昨日宣佈加盟日本AvexGroup經理人公司的Angelababy稱得上各自各精采。
近年專注幕後的黎明，早已發現圈中20餘歲的女星斷層多時，加上旗下的衞詩唔生性，因藏毒被逐出娛樂圈，倒不如栽培新丁，JaniceMan正合他心水。黎明昨日在海洋公園出席宣傳活動時說：「我有留意JaniceMan，佢除咗模特兒工作外，應該仲有其他發展空間，我都會睇吓同佢有冇空間合作，加上佢好似同公司就快滿約，我覺得佢好有潛質喺其他方面發展，唱歌方面就未傾到，但係我哋經理人公司唔係淨係做歌手，仲有電影同其他工作。」
黎明身為百事活老闆，卻與Amusic幕後大水喉、東亞娛樂兼紅館經理人公司的老闆林建岳公然爭女，可見他對JaniceMan志在必得，紅館負責人管小姐昨日也說：「我哋同JaniceMan傾過一次，佢條件唔錯，但一切係好初步接觸。」
林小明直認感興趣
寰宇老闆林小明也直認與JaniceMan傾過合作，他說：「之前佢拍我公司啲戲，係有傾過吓，但當時知佢同經理人公司未滿約，所以放低咗。其實我公司好open，有條件嘅藝人都有興趣傾。」星皓經理人部負責人彭淑霞則說：「我哋同JaniceMan係有為合作嘅事傾過一次，但仲係好初步接觸。」
不過，鄒世龍昨日卻指JaniceMan合約未完，問到是否不續約時，他不置可否地說：「佢搵到好嘅發展，對佢都好，每個人都可以再進一步。」提到她引爆爭奪戰，鄒世龍說：「Amusic唱歌佢一定唔會啦，紅館啱佢多啲，因為多元化。林小明有合作開，關係好好，佢都仲細，一路學一路進步啦。」
採訪：藍文浩、葉雪 攝影：陳順禎
娛樂資料庫：電車男最愛o靚模
年輕、肯捱、肯露，是近年o靚模大行其道的原因，她們深受電車男追捧，廣告商自然嗒糖，是以市面流通的o靚模越來越多。
資料來源：《蘋果》資料室
解碼：模特兒公司變揀蟀勝地
JaniceMan成為影壇搶手貨，其實模特兒公司向來是大型經理人公司揀蟀好地方，因為捧紅一個模特兒其實與栽培新人一樣，需要時間和心機，與其大海撈針重頭開始，不如直接在模特兒公司挑選已經篩選、「湊」好及「執」好的「成品」。
模特兒公司發掘新人，多在13、14歲時已簽下合約，一般視乎資質簽5至10年約不等，中途若有實力及大經理人公司對新人感興趣，又對旗下模特兒發展有利，部份模特兒公司並不介意「出賣」親生女，將手上的合約轉賣給大公司。不過隨着近年的名模、o靚模效應，模特兒可上電視做主持及拍電影，發展潛力及搵錢能力大增，以往模特兒公司單純簽模特兒的合約，近10年則改成包括歌影視的經紀人合約。撰文：李全