始於墨西哥的豬流感殺入美國極速散播，雖然香港尚未爆發，但已人人自危。準媽媽陳慧琳（Kelly）自知體質易患感冒，為免影響胎兒健康，故加入搶購口罩潮，入貨10盒放在家中以備不時之需，但她謂現階段仍會照吃豬肉。
一索得男的陳慧琳至今懷孕6個月，預產期在今年8月，有指豬流感即將殺到，而且孕婦特別容易中招致流產，故Kelly為保護腹中塊肉，也進入緊急戒備狀態，除注意飲食外，還留心個人衞生。
「暫時仲敢食豬肉嘅」
近日不少巿民爭相搶購口罩，準媽媽Kelly也加入了搶購潮，其助手昨日在電話中說：「Kelly係好容易感冒嘅人，所以呢次豬流感未喺香港爆發，佢已經開始預防，其實自沙士後，佢屋企都會有口罩存貨，呢排都買多咗10盒備用，都係為咗安全啫，但其實Kelly家個肚越嚟越大，冇必要都盡量少出街。」Kelly也密切留意疫情以作應變，她的助手說：「Kelly會小心飲食，佢話暫時仲敢食豬肉嘅，每日仲飲2杯高鈣奶。」
雖然已減少工作小心安胎，但Kelly仍有往錄音室錄歌，每次埋位前必用消毒紙巾抹乾淨咪才錄音，實行小心為上。
另一方面，潮媽徐濠縈和袁詠儀（靚靚）前晚到中環出席StellaMcCartney的新店開幕禮，阿徐以搶鏡超巨型鬆獅頭示人，令靚靚嘆為觀止，並笑稱如果放在自己身上就一定會撞埋牆。
兩位星級媽咪均表示十分關注豬流感疫情，靚靚坦言有相熟醫生故不用刻意搶購口罩，她說：「都會少帶囝囝出去，平時返屋企都會做足清潔先摸佢。」阿徐則指囡囡的學校有發出通告，她覺得平日注重衞生十分重要，她說：「又冇得打針，自己又唔會去美國同墨西哥，最好就唔好傳過嚟啦，唔係都會驚，我唔會搶購口罩咁恐慌，反而我係屋企中最孱嘅一個，成日都要見醫生，到時有乜嘢事問候我就真。」記者笑指其鬆獅頭易藏細菌，她即笑謂要將個頭作自我隔離。
同場的謝婷婷透露張栢芝原要往新加坡，但因怕豬流感兼為囝囝Lucas着想已取消行程。
安仔美國騷或取消
此外，許志安日前剛由美加登台返港，他說在當地有趁機shopping，回港數日便開始爆發豬流感，故覺得自己好好彩，不過他8、9月還有一些在美國舉行的演唱會已一早談好，現在也不知道是否能如期舉行，當地主辦單位也說要視乎疫症是否受控制才能決定，假如取消的話，安仔謂對其收入無影響，因只是改期而不是取消。
採訪：比華利、李珮洳
攝影：陳慧安