近排輪流同牛兄中日本波，佢周二揀嘅大阪飛腳「主勝」開到應，今期唔使問，畢傑玩日乙榜首大戰，都係揀大阪同市嘅櫻花作客湘南比馬輸唔到，平手盤坐和望贏。
睇勻日乙開季形勢，暫時最有升班相嘅係1、2位嘅大阪櫻花同湘南比馬，前者8勝2和1負，後者8勝1和2負，完全超班。比馬周中作客甲府風林元氣大傷，上半場早段先有射手田原豐被逐，換邊後再有巴西中場阿迪奧領後，結果尾段淨輸0:1。須知田原豐同阿迪奧暫各入3個聯賽入球，係隊中首席射手，如今兩位主力齊齊喺榜首戰停賽，可謂相當唔合時。至於北韓門將金永基仍然因傷缺陣，唔通要再靠兩老將寺川能人及坂本紘司場場孭重飛？啱啱周中先踢完喎，唔使回氣咩？
大阪櫻花經過兩場不勝後，周中終於2:0淨勝FC橫濱上榜首，中場乾貴士又有「士哥」；巴西中場路爾斯馬天尼斯今場仲停賽復出，強陣下平手冇得輸。
車路士「細」最穩陣
車路士話就話唔會爭英超，當仍有一絲希望嘅時候點會咁易放棄；之但係下周三歐聯要硬撼巴塞隆拿，領隊軒迪克一定會就個別位置上試陣，例如復出嘅艾殊利高爾及保辛華或會重任左右閘，有一定防守力。與其博車仔會否去盡，又要估贏富咸幾多球，我諗個1.78倍「細」最穩，事關杜奧巴好大機會被收起。
最後一關要利物浦主場贏紐卡素，無論1.6倍「半勝」又好，[-1]嘅1.72倍「主勝」都好，兩個注項同樣信心十足。紐記根本隊波有問題，唔關邊個領軍嘅事，我雖然都好鍾意舒利亞，但事實隊波踢得咁亂，又冇組織，要入波真係好難，紅軍贏面大到無倫。文：畢傑
早飛王貼士
星期六5 湘南比馬vs大阪櫻花
首選：大阪櫻花（平）（1.84）
次選：大阪櫻花[客/客]（3.7）
冷選：大阪櫻花勝2:1（8.5）
早飛倉
主菜：星期六5大阪櫻花（平）（1.84）@3,200
渾水摸魚過關：星期六5大阪櫻花（平）（1.84）x
星期六32車路士細（1.78）x
星期日18利物浦[半勝]（1.6）3x1@800
今日早餐價錢：-$4,000
上日賺蝕：+$1,600
早飛倉結餘：$79,725
規則：$100,000本錢，每日買早報最多動用$5,000，
最少$1,000，逢周二、五見報。
周末焦點
星期六25 米杜士堡vs曼聯
米堡暫排19位，護級形勢險峻，他們近3季聯賽迎擊曼聯，錄得1勝1和1負，可否趁紅魔有歐聯大戰阿仙奴後顧而搶晒3分？曼聯聯賽連續3場作客俱失波，有隱憂。
星期六64 國際米蘭vs拉素
聯賽餘下5輪，國米暫領前次席AC7分，爭標形勢大好。拉素在意盃4強技術擊倒祖雲達斯，今役能否當攔路虎？國米首循環作客大勝對手3:0，中堅森美爾專射爆拉素。
星期日6 雷丁vs伯明翰
兩支去季齊齊由英超降班的球隊，周日上演升班生死戰。由於雷丁得失球差贏晒，假如今場順利擊敗伯明翰，而錫菲聯作客水晶宮失分，雷丁即可上次席，直接升班。