汪明荃（阿姐）昨日到銅鑼灣出席香港防癌會的活動，她透露今日會起程到美國出席籌款活動，故見到現場的醫生即詢問有關豬流感的問題，更向他們拿口罩和消毒藥水。
為紅線女洗塵
阿姐說：「我今次去美國幾日，一早已經應承咗，冇得驚，其實去又唔驚，應該返嚟驚啲，自己都會自我隔離一排，始終個災情喺美國擴散緊，都要小心啲。」
前晚阿姐則在佐敦逸東軒設宴為粵劇名伶紅線女洗塵，她到場時表現風騷，見到紅線女即大賣口乖說：「女姐着紅色衫，我就着藍色衫襯你，唔好搶鏡嘛。」問到兩人會否有機會同台表演？阿姐謙虛地說：「唔得，佢係我師傅，如果係嘅話，我就要做妹仔嘞。」
此外，阿姐和鄭裕玲及寇鴻萍等都是「至八會」成員，對於寇鴻萍丈夫梁廷鏘偷食斷正一事，阿姐說：「呢啲嘢我唔清楚，乜咁犀利呀？問番當事人啦！之前我掛住做舞台劇，都冇聯絡一排。」
採訪、攝影：卓寶花