前晚花旗股市冇大變動，噚日港股喺A股帶動下造好，恒指升401點，逼近15000關，期指結算日好友算係贏番一仗，但係短線向淡嘅局勢未有改變。
不過，內銀股整體形勢唔錯，放完假如果冇乜壞消息，仲可以留意。
聯通C輪16567：聯通（762）昨收8.60元，升5.2巴仙，呢幾日股價喺條100日線拉鋸，走勢其實麻麻，噚日股價趁住個市反彈回升，技術指標轉好，又有成交配合，如果升破9.40元，睇10.80元，可以諗吓隻C輪16567，現價19.5仙，有效槓桿2.4倍，正股升上10.80元，16567睇33.2仙，正股跌穿7.90元，就沽咗隻輪止蝕。
俊樺