衞詩（Jill）在日本承認藏毒，被判緩刑返港，但歌唱事業毀於一旦，唱片公司將會和她解約。身為Jill老闆的黎明一直未有為Jill返港及前途開腔，前晚他在機場現身，談到是否和Jill終止合約時，他以金句回應說：「你違例泊車都要接受俾人抄牌。」暗指Jill罪有應得。
因為承認在日本藏毒和有吸毒習慣的衞詩，日前被判緩刑返港，連日來都在黃埔舊居靜思未有露面。而Jill返港後，其唱片公司Amusic老闆黎明一直未有表態，前晚他由上海為電影《十月圍城》拍完海報返港，大約10時許由助手陪同步出閘口，現場約有10多名fans接機，有fans送上禮物，他一一收下並有傾有講，心情不錯。
「冇必要開記招」
問黎明是否和Jill終止合約及會否開記者會交代？他說：「你哋啲問題好專業，但我覺得冇咁嘅必要。」問他是否和Jill終止合約？他想了一想，再運用其金句說：「我覺得藝人做錯嘢就好似俾人罰款，例如你違例泊車都要接受俾人抄牌。你哋係咪問我Janice（衞蘭）續多3年約，係咪終止合約？多謝大家。」接着便上保母車離去。
另外，Janice昨日傍晚到尖沙嘴海港城的名店Anteprima揀衫，當記者問到是否shopping時，她說：「遲啲有嘢做，嚟揀衫。」雖然說話不多，但Janice神情頗為輕鬆，眉頭再沒有繃緊。
衞蘭買紅裙出騷
Janice入到店內，職員馬上遞上一條紅色吊帶裙，之後她在店內看了一會，便入試身室試紅裙。約10分鐘後，Janice試裙後便親自簽單，其間有內地遊客上前問現場記者內裏是誰人，更有外國男士入店內八卦，接着Janice和助手上車離開。至於Jill昨日仍在黃埔家中，未有現身。
Janice離開時，問她有傳黎明向Jill追債，她聞言說：「唔好意思，我唔答。」問她Jill欠公司多少錢及她是否代妹還債，Janice也表示不願回答。
採訪、攝影：娛樂突發組、陳慧安