全民睇淡，幾乎打開任何一張報紙，篇篇股評分析都係建議唔應該買貨，咁搞法，大戶有乜理由唔勁挾淡友？期指結算日好友發動反攻，港股昨日逼近萬五點收市，惟成交縮減至506億元。
經過昨日似模似樣的勁挾，後市又唔似真係咁淡。美國受豬流感疫情影響較直接，但華爾街股市截至前晚為止，道指仍企在8000點樓上，未有大散，市場力量冇得假，美股家陣仲係咁堅挺，可能有啲嘢。
打滾股壇咁耐，股市幾淡都好，完全唔炒股真係好難，目前星俠入市多數採即日鮮策略，盡量唔持貨過夜，免得外圍有乜風吹草動，要承受港股翌日裂口低開之風險。
2.5元附近買入
鋼鐵股昨日反彈不俗，惟馬鋼（323）僅升2%，收2.98元，應是受首季業績欠佳所累，馬鋼3.20元阻力唔細，後市見跌至2.50元左右，可小注博反彈，獲利目標2.85元，失守2.30元撤退。
方星俠